Палітыка: А.Лукашэнка:«Буду балятавацца на чацьвёрты тэрмін»
А.Лукашэнка:«Буду балятавацца на чацьвёрты тэрмін»
13.05.2008 20:13
Аляксандар Лукашэнка даў інтэрвію агенцтву Reuters. Ніжэй – некаторыя цытаты.
“Мы правядзем іх (выбары), ня горш, чым у краінах ЭЗ. Як вы ацэніце іх, гэта залежыць ад вашага сумленьня і вашай арыентацыі. Я патрабую сёньня ад ўсіх структур правесьці выбары так, каб вам было сорамна кінуць у нас камень і сказаць, што выбары не адпавядалі тым стандартам, якія ў Эўропе”
«Калі рэйтынг апазыцыі сёньня на ўзроўні арытмэтычнай памылкі, ці могуць яны зьявіцца ў парлямэнце? Такая апазыцыя ў парлямэнце зьявіцца ня можа. Але калі там будзе некалькі апазыцыянэраў, то ад гэтага наш парлямэнт не сапсуецца. Іх усё роўна будзе меншасьць”
«Але я баюся, падкрэсьліваю. Баюся, што яны, ізноў жа, не патрапяць у парлямэнт. Наша апазыцыя замест таго, каб працаваць з народам, едзе ў ЗША, Велікабрытанію і Нямеччыну і просіць там грошай. На каго яны працуюць? Нашай апазыцыі трэба сёньня працаваць з нашымі грамадзянамі, прасіць у іх падтрымкі, не прасіць некалькі фунтаў стэрлінгаў у Велікабрытаніі. Гэта карумпаваная апазыцыя»
«Я б хацеў, шчыра кажу, каб людзі падтрымалі хаця б некалькіх апазыцыянэраў, каб вы нас не папікалі, што ў парлямэнце няма апазыцыі. Але гэта будзе залежыць ад людзей. Хто заслужыць, той у парлямэнт і патрапіць»
«Калі сытуацыя будзе такой, як зараз, і са мной асабіста, і ў краіне, то я, зразумела, буду балятавацца на чарговы тэрмін. Калі сытуацыя са мной і з краінай зьменіцца, то рашэньне можа быць іншым. Пакуль я здаровы чалавек, народ ня так ужо моцна мяне крытыкуе і Захад пачынае разумець. Гэта магчыма. Разьлічвайце на горшае»
"Хай разьбяруцца спачатку са сваімі вязьнямі, з вязьнямі ў Гуантанамо, у Афганістане і г.д. Зь іншага боку, нам не хацелася б, каб з-за 6 чалавек пакутвала ўся краіна. Я, я асабіста прыняў рашэньне – вызваліць. Пяцёра пагадзіліся, шосты адмовіўся. Нядаўна ён заявіў, што чым больш ён будзе сядзець у турме, тым вышэй будзе ягоны рэйтынг. Гэта ягоны выбар. Я ж яго за вушы ня буду цягнуць адтуль. У нас на сёньня няма палітычных зьняволеных».
«Калі рэйтынг апазыцыі сёньня на ўзроўні арытмэтычнай памылкі, ці могуць яны зьявіцца ў парлямэнце? Такая апазыцыя ў парлямэнце зьявіцца ня можа. Але калі там будзе некалькі апазыцыянэраў, то ад гэтага наш парлямэнт не сапсуецца. Іх усё роўна будзе меншасьць”
ну але нават фракцыя "Рэспубліка" са сваімі заявамі і галадоўкамі крыві яму папсавала
А і няма дзіва, можна так і да 16-га празідзентства дажыць... Пакуль пачвары пры ўладзе, а электарат - зомбі - чаму тутака зьдзіўляцца... Чаму зьдзіўляцца, калі людзі ходзяць на працу за 100 - 200 тыс.руб. у месяц! і яшчэ баяцца! згубіць гэтую працу!
"электарат - зомбі"
Не пагаджуся. 19 сакавіка 2006 г. уся Кастрычніцкая Плошча ў Менску была занятая выбарцамі. І гэтыя людзі прагнулі пераменаў. Унушальна выглядала...
І дзе тыя перамены, і дзе тыя людзі???????? Прагнуць - яшчэ не рабіць... Факт, што "кастрычніцкай плошчы" мала дзеля пераменаў...
Фракцыя "рэспубліка" - баюся, што гэта быў толькі "лука-шоўскі" атрыбут, як бы легітымізацыя "дэмакратычнасьці" рэжыму...
ГАЛОЎНАЯ
НАВІНЫ
